ТӨТЕНШЕ ЖАҒДАЙЛАРДЫҢ АЛДЫН АЛУ ШАРАЛАРЫ ПЫСЫҚТАЛДЫ
Бүгін аудан әкімі Қайрат Жолдыбайұлының төрағалығымен «Көктем -2025» республикалық командалық-штабтық оқу-жаттығуы бойынша мәжіліс өтті. Мәжіліске аудан әкімінің орынбасары, аудандық төтенше жағдайлар бөлімінің басшысы, сонымен қатар, аудандық азаматтық құрылым мүшелері қатысты.
Жиын барысында көктемгі кезеңде туындайтын су тасқынының алдын алу шаралары жан-жақты пысықталды. Күн тәртібіндегі мәселе бойынша аудандық төтенше жағдайлар бөлімінің басшысы Мейрамхан Кемелханов “Көктем -2025” республикалық командалық-штабтық оқу-жаттығуы бойынша іс-шара жоспарын баяндады.
Жиында аудан басшысы «Көктем -2025» республикалық командалық-штабтық оқу-жаттығуы бойынша салаға жауапты басшыларға нақты тапсырмалар жүктеп, аталған іс-шараны жоғары деңгейде өтуді жүйелі түрде қамтамасыз ету қажет екені ескертті.
Айта кету керек, ағымдағы жылдың 6 және 7 ақпан күндері Отырар ауданы аумағында «Көктем -2025» республикалық командалық-штабтық оқу-жаттығуы өтеді.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
