ТҰРҒЫНДАРДЫҢ ӨТІНІШІ ЕСКЕРУСІЗ ҚАЛМАЙДЫ
Бүгін аудан әкімі Қайрат Жолдыбайұлы аудан орталығындағы бірқатар әлеуметтік нысандарды аралап, тұрғындар тарапынан көтерілген мәселелермен танысты. Ынталы және Шәуілдір елді мекендерінің халқымен кездесіп, ұсыныс-пікірлерін тыңдады.
Бұған дейін аудан әкімінің кездесулері мен қабылдауында болған тұрғындар электр жарығының жетіспеушілігі, аяқжолдар салу, тұрғын үй кезегі бойынша бірнеше мәселелерді көтеріп, қолдау көрсетуін сұраған. Көтерілген мәселелерге байланысты мән-жайды көзбен көруді жөн санаған аудан басшысы тиісті салалары бойынша жауапты мамандарға тапсырма берді.
Аралау барысында аудан басшысы: «Әрбір тұрғынның өтініші ескерусіз қалмайды. Әсіресе әлеуметтік мәселелер назардан тыс қалмауы тиіс. Көтерілген мәселелерді саралап, мүмкіндіктеріне қарай тиісті жұмыстар атқарылатын болады»,-дей келе, жауапты сала басшыларына заң аясында тиісті жұмыстарды атқаруды жүктеді.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
