ҚАЛА ТҰРҒЫНДАРЫ МЕН ҚОНАҚТАРЫНЫҢ НАЗАРЫНА!
Шымкентте тұрғындардың қауіпсіз және ыңғайлы жол қозғалысын қамтамасыз ету мақсатында жолдардың асфальт жабындысын жаңарту жұмыстары жалғасуда. Соңғы мәліметтерге сәйкес, Бейбітшілік көшесінде (Желтоқсан көшесі – Республика даңғылы аралығы) және Тәуелсіздік көшесінде (Қонаев даңғылы – Ерманов көшесі аралығы) жол жөндеу жұмыстары толық аяқталды.
Қазіргі уақытта Ю.Сареми, Темірлан тас жолы, Жандарбеков, Кремлёвский, Қазиев көшелерінде және А-2 автомобиль жолының 5-ші кезеңінде құрылыс жұмыстары жүргізілуде.
Сәуір айында Момышұлы көшесінде (Желтоқсан көшесі – Тәуке хан даңғылы аралығы) жол жөндеу жұмыстары басталады. Жүргізушілерден алдын ала қозғалыс бағытын жоспарлауды сұраймыз.
Сондай-ақ, жол-көлік қозғалысы қауіпсіздігін қамтамасыз ету мақсатында жол таңбаларын жаңарту жұмыстары жүріп жатыр. Қала тұрғындарынан жол жүру ережелерін сақтауды және жөндеу жұмыстарына байланысты уақытша қолайсыздықтарға түсіністік танытуға шақырамыз.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
