АУДАНДЫҚ МӘСЛИХАТТЫҢ КЕЗЕКТІ СЕССИЯСЫ ӨТТІ
Бүгін аудан әкімі Азат Әбдіғалиұлы аудандық мәслихаттың кезекті ХХХ сессиясына қатысты. Онда ауданның әлеуметтік-экономикалық дамуы мен мемлекеттік бағдарламалардың орындалу барысы жан-жақты талқыланды.
Жиынға, бөлім басшылары, ауыл округ әкімдері, сондай-ақ мәслихат депутаттары қатысты.
Сессияны аудандық мәслихаттың төрағасы Бақдәулет Құрманбекұлы жүргізді.
Сессия барысында төмендегі мәселелер қаралды:
Қарақұм ауыл округі әкімінің есебі; Қараспан ауыл округі әкімінің есебі; Бөржар ауыл округі әкімінің есебі; Аудандық мәдениет, тілдерді дамыту, дене шынықтыру және спорт бөлімінің есебі; Аудандық ішкі саясат бөлімінің есебі.Күн тәртібіндегі негізгі мәселелер бойынша ауыл округ әкімдері мен бөлім басшылары атқарылған жұмыстар туралы баяндама жасады.
Жергілікті инфрақұрылымды дамыту, халықтың әл-ауқатын арттыру, мәдени және спорттық іс-шараларды ұйымдастыру, сондай-ақ ішкі саясаттағы өзекті мәселелер жан-жақты талқыланды.
Сессияға қатысушылар көтерілген мәселелер бойынша сұрақтар қойып, нақты ұсыныстар білдірді. Халық қалаулылары елді мекендердің әлеуметтік-экономикалық жағдайын жақсарту бағытында қабылданып жатқан шараларға назар аударып, кейбір түйткілді мәселелерді шешу жолдарын қарастырды.
Сессия қорытындысы бойынша тиісті шешімдер қабылданып, ауданның дамуы үшін маңызды ұсыныстар енгізілді.
Бұл шешімдер алдағы уақытта халық игілігі үшін нақты істермен жүзеге асырылатын болады.
Ордабасы ауданы әкімдігінің баспазөз қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
