АЗАМАТТАРДЫ ЖЕКЕ МӘСЕЛЕЛЕРІ БОЙЫНША ҚАБЫЛДАДЫ
Бүгін аудан әкімі Қайрат Жолдыбайұлы жұмыс кестесіне сәйкес азаматтарды жеке мәселелері бойынша қабылдады. Қабылдауға алдын ала жазылған тұрғындар аудан басшысына өтiнiш-тiлектерiн жеке-жеке жеткізіп, мәселелерiнiң оң шешiмiн табуына ықпал жасауды сұрады.
Қоғамдық қабылдауға «AMANAT» партиясы Отырар аудандық филиалының атқарушы хатшысы Еркеғали Таңатаров, дербес бөлімдер мен мекеме басшылары қатысты. Сала басшылары тұрғындар тарапынан көтерілген мәселелерге байланысты қойылған сұрақтарға тиістілігіне қарай жауап беріп отырды.
Аудан әкімінің қабылдауына 6 азамат тіркелген. Ондағы тұрғындардың дені жұмыссыздық, суармалы жерге ағын су алу, тұрғын үй алу, көпқабатты тұрғын үйлердің коммуналдық қызметтерінің сапасы, учаскелік полиция қызметі, жаңадан салынған жолдан ағын су өткелдерін қалдыру секілді бірқатар мәселелер бойынша өтініштері мен ұсыныстарын жеткізді.
Әрбір тұрғынның мәселесін тыңдап, заңдылыққа сәйкес жауап берген аудан әкімі жұмыс сұраушыларға бүгінгі таңда аудан бойынша бос жұмыс орындарын ұсына отырып, мәселесін шешу үшін тиісті бөлімның жауапты қызметкерлеріне тапсырмалар жүктеді. Ал, өзге де мәселелерді әкім аппаратының жауапты қызметкерлері мен аудандағы мекеме басшыларының құзырына белгіленген уақыт мерзімінде орындауды тапсырды.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
