ЖАСТАР ОЙЫНДАРЫНДА ТҮРКІСТАН ОБЛЫСЫНЫҢ БАСКЕТБОЛШЫ ҚЫЗДАРЫ ЧЕМПИОН БОЛДЫ
Бүгін Түркістан қаласындағы «Балуан Шолақ» спорт кешенінде баскетболдан қыздар арасында VI жазғы жастар спорт ойындарының жүлдегерлері белгілі болды. Төрт жылда бір өтетін кешенді жарысқа спорттың бұл түрінен елімізден 16 өңірі команда қосты (224 спортшы). Финалда жарыс қожайыны Түркістан командасы елордалық баскетболшылармен ойнап, аса тартысты матчта басым түсті. Есеп: 76-68. Қола медаль жолында Шымкент қаласы мен Атырау облысының командасы кездесті. Мұнда 82-53 есебімен мұнайлы өңірдің бойжеткендері ұтты. Ал үздік бестікті Жетісу облысын айқын басымдықпен жеңген (есеп: 53-35) Ақмола облысы түйіндеді.Баскетболдан осыған дейінгі V жастар спорт ойындарын Щучинск қаласы қабылдаған. Ол кезде қыздар арасында 14 команда жиналып, Шымкент қаласы чемпион атанса, Астана қаласы мен Қостанай облысы үздік үштікте болған. Түркі әлемінің рухани астанасында ұйымдастырылған баскетбол бәсекесінде барлық команда жоғары дәрежелі ойын көрсетті.Бұл спорт ойындары жастардың шеберлігін шыңдап қана қоймай, олардың өзара тәжірибе алмасуына, достық қарым-қатынас орнатуына жол ашады. Сонымен қатар алдағы уақытта халықаралық ареналарда ел намысын қорғайтын спортшыларды анықтауға мүмкіндік береді.Төрт жылда бір өтетін жастар спорт ойындарына 18 жасқа дейінгі баскетболшылар қатысты.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
