ӘЛЕМДІК ДОДАДА ЕЛ ҚОРЖЫНЫНА АЛҒАШҚЫ АЛТЫНДЫ САЛДЫ
Арменияның астанасы Ереванда самбодан Әлем кубогі сарапқа салынуда. Әлемдік доданың
алғашқы күні Қазақстан құрамасы үшін сәтті басталды. 18 елдің спортшыларын жинаған дүбірлі жарыста отандастарымыз төрт бірдей жүлдеге ие болды. Солардың ішінде 59 кг салмақ дәрежесінде ел намысын қорғаған Ордабасылық жерлесіміз Маржан Бизақ жауынгерлік самбодан алтын медаль жеңіп алды.
Жеңімпаз жерлесіміз Маржан Бизақ — ауданымыздағы Бөржар ауылдық округіне қарасты шағын ғана Бірлік ауылында дүниеге келген. Қазақы тәрбиемен өсіп, қарапайым ауыл өмірінен қанаттанған бойжеткен бүгінде халықаралық ареналарда ел абыройын асқақтатып жүр.
Ордабасы топырағынан түлеп ұшқан Маржан Бизақтың бұл жеңісі — жастарымызға үлкен үлгі болып, болашақ чемпиондарымызға шабыт берері анық. Ауданымызда спортшыларға қолдау көрсету қашан да басым бағыттардың бірі болып қала бермек.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
