ТҮРКІСТАНДА ПОЛИЦИЯ ЖЕКЕ КҮЗЕТ ҚЫЗМЕТІМЕН ҚАУІПСІЗДІК ШАРАЛАРЫНА ЖҰМЫЛДЫРЫЛДЫ

Түркістан облысында құқық қорғау саласының мекемелері өздеріне жүктелген міндеттерді жауапкершілікпен атқарып, облыс аумағында қоғамдық және жеке азаматтардың, балалардың қауіпсіздігі мен қорғалуына байланысты көптеген шараларды жүзеге асырып келеді. Облыс тұрғындарының қауіпсіздігін қамтамасыз ету мақсатында полиция тәулік бойы қызметте.

Осы орайда Түркістан облысы Полиция департаменті Жергілікті полиция қызметі, патрульдік полиция қызметкерлерімен қоғамдық тәртіпті сақтау, қылмыстардың алдын алу мақсатында адам көп шоғырланатын жерлерде жеке күзет ұйымдарының жедел әрекет ету тобы жұма, сенбі, жексенбі күндері қызмет атқарды.

Нақтырақ айтсақ, облыс аумағында қызмет атқаратын жедел әрекет ету топтары бар 20 жеке күзет ұйымымен Түркістан облысының барлық қала, аудандарында осы профилактикалық іс-шара тұрақты түрде қолға алынуда.

Қазіргі таңда жыл басынан Полиция департаменті қала-аудан полиция бөлімдерімен бірге кешенді күштерімен бірлесіп және күзет субъектілерінің қатысуымен 32 қылмыс ашылып, 75 әкімшілік құқық бұзушылық анықталды

«Бұл іс-шарамыздың басты мақсаты — тұрғындар тыныштығын қамтамасыз етуде тиісті құрылым қызметкерлерімен бірлесіп, оң нәтижеге қол жеткізу. Заңдылық пен тәртіпке бой ұсынатын қоғам қалыптастыру», — деп атап өтті Полиция департаментінің Күзет қызметін бақылау бөлімінің аға инспекторы полиция майоры Жасұлан Тұяқбаев.