ПОЛИЦЕЙЛЕР ПРОФИЛАКТИКАЛЫҚ ШАРА ЖҮРГІЗУДІ ЖАЛҒАСТЫРУДА

«Заң және Тәртіп» қағидатын іске асыру аясында Сарыағаш ауданы полиция басқарамасы қызметкерлері көпшілік орындарды абаттандыру және ластау ережелерін бұзудың алдын алу бойынша профилактикалық жұмыстарды жалғастыруда.

Полицейлер аудандық құқық бұзушылықтар жөніндегі мамандандырылған әкімшілік соты ғимараты алдында, күнделікті шетел азаматтарына алаяқтыққа қатысты қылмыстардың және осы саладағы өзге де құқық бұзшылықтарды алдын алу және «Таза Қазақстан» акциясы бойынша түсіндірме жұмыстарын жүргізіліп, профилактикалық шара ұйымдастырды.

Сондай-ақ тәртіп сақшылары тұрғындарға экологиялық нормаларды сақтаудың маңыздылығын, абаттандыру ережелерін бұзуға жол бермеуді және қоқысты тек арнайы белгіленген орындарда тастау қажеттігін еске салады.

Өз кезегінде полицейлер азаматтарды заң шеңберінде әрекет етіп, қоршаған табиғатты қорғауға және тазалық пен тәртіпке үлес қосуға шақырады. Кез – келген құқық бұзушылыққа «нөлдік төзімділік» — бұл қоғамдық қауіпсіздікті нығайтуға және жайлы орта құруға бағытталған маңызды қадам.