«Туристерді жайлылық пен меймандостығымыз арқылы тарта аламыз»

98

Шымкент қаласындағы «Visit Shymkent» орталығы туристерді ақпаратпен қамтамасыз етіп, өңірдің туристік әлеуетін маркетинтік ілгерілету мен талдау, халықаралық шараларды ұйымдастырып, іскерлік туризмді дамытумен айналысады.

Орталық «бір терезе» қағидаты бойынша жұмыс істейді. Атап айтқанда, көші-қон қызметтерінің көмегін пайдалану, туризм саласын талдау, қаланың туристік имиджін дамыту, ірі туроператорларды анықтап, оларға туристік маршруттарды ұсынады. Іскерлік іс-шараларды өткізіп, осы салаға инвестиция тартумен де айналысады. Сонымен қатар, қала тұрғындары мен қонақтарына кеңес беру қызметі, туристік карталар ұсынып, қалада өткізілетін іс-шаралар жөнінде жарнамалық ақпараттарды таратады. Шырайлы қаламыздың көрікті жерлерін насихаттауда алдыңғы шепте жүріп қызмет ететін орталықтың білікті мамандары қашанда абырой биігінен көріне берулеріне тілектеспіз. Біз қашанда сырттан келген қонақтарымыз бен туристеріміз үшін жайлылық пен меймандостығымыз, қонақжайлылығымыз арқылы қаламызға келуші туристер санын арттыра бермекпіз!