ТЕРРОРИЗМГЕ ҚАРСЫ КОМИССИЯНЫҢ КЕЗЕКТІ ЖИЫНЫ ӨТТІ
Аудан әкімі Мұхит Тұрысбековтің төрағалығымен терроризмге қарсы комиссияның кезекті отырысы өтті. Жиынға құқық қорғау органдары, қорғаныс істері жөніндегі бөлім, төтенше жағдайлар бөлімі, құзырлы мекемелер мен бірқатар бөлім басшылары, ауылдық округтер мен кент әкімдері қатысты. Жиын барысында қауіпсіздікті қамтамасыз ету бағытындағы негізгі мәселелер кеңінен талқыланды.
Күн тәртібіндегі мәселелер бойынша аудан әкімдігі ішкі саясат бөлімінің басшысы Ерлан Райымқұлов, Шолаққорған ауылдық округінің әкімі Жеңісәлі Төлепбергенов, Қыземшек кентінің әкімі Марс Әбіл және аудандық терроризмге қарсы комиссиясы мен жұмысшы топ хатшысы Ұлжан Шекеева баяндама жасады. Атқарылған жұмыстар мен алдын алу шараларына егжей-тегжейлі тоқталды.
Жиын қорытындысында аудан басшысы тиісті сала басшыларына қауіпсіздік шараларын одан әрі күшейту, профилактикалық жұмыстарды жүйелі жүргізу және ақпараттық-түсіндіру іс-шараларын кеңейтуді тапсырды.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
