ЖАҢҒЫРТЫЛҒАН ӘСКЕРГЕ ШАҚЫРУ БЕКЕТІ ПАЙДАЛАНУҒА БЕРІЛДІ
Түркістан қаласы және Сауран ауданы әкімдіктерінің әскерге шақыру бекеті жоспарға сәйкес қайта жөндеуден өтті.
Нысанда әскерге шақырылушыларды қабылдауға арналған арнайы бөлмелер жаңартылып, ішкі және сыртқы әрлеу жұмыстары жүргізілді. Сонымен қатар инженерлік жүйелер толықтай жаңартылып, қызметтік кабинеттер ретке келтірілді.
Түркістан қаласы әкімінің орынбасары Әбілсейт Рабаев жаңартылған әскерге шақыру бекетіне барып, жүргізілген құрылыс жұмыстарының сапасын тексерді және нысанның жалпы техникалық жағдайымен танысты. Тексеру барысында жауапты бөлім басшыларына бекетті толық талапқа сай пайдалану, азаматтарды қабылдау сапасын арттыру және қызметкерлер үшін қолайлы жұмыс ортасын қамтамасыз ету жөнінде нақты тапсырмалар берілді.
Түркістан қаласы әкімдігі тұрғындарға және әскерге шақырылушыларға қызмет көрсететін нысандарды кезең-кезеңімен жаңғырту жұмыстарын жалғастырып, қолжетімді әрі сапалы қызмет көрсету бағытындағы жұмыстарды жүйелі түрде іске асыруда.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
