ШЫМКЕНТТЕ ТАҒЫ ҮШЕМ ДҮНИЕГЕ КЕЛДІ
Қалалық №2 аурухананың перзентханасында үшем дүниеге келді. 31 жастағы Гүлбағира Өтемісқызы дәрігерлердің көмегімен үшемді аман-есен өмірге әкелген.
6 қаңтар күні мерзімінен бұрын туған сәбилер үш тәулік бойы реанимация және қарқынды терапия бөлімінде дәрігерлердің тұрақты бақылауында болып, кейін жаңа туған нәрестелер патологиясы бөлімінде ем-дом мен күтімін жалғастырды.
Дәрігерлердің мәліметі бойынша, үшемнің жағдайы қанағаттанарлық. Қазіргі таңда салмақтары 2 келіден асты.
Айта кетейік, бұл отбасыда бұған дейін 4 бала бар. Анасы – декреттік демалыста, ал әкесі құрылыс саласында еңбек етеді.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
