ПРЕЗИДЕНТ РЕФЕРЕНДУМ ӨТЕТІН КҮНДІ БЕЛГІЛЕДІ
15 наурыз қазақ елі үшін тарихи күн ретінде таңбаланбақ. Жақсы күннен үміт күтейік. Президент Қ.Тоқаевтың серпілісімен ойға алған мақсат-мұраттың ел игілігіне ертерек орындалуын қалайтын елміз. Жаңа Конституция жобасы ел талқылауына түскелі әр азамат өз ой-пікірі мен жеке көзқарасын ашық пікір білдірді. Қоғам талқысына түсіп, 130 сарапшы мен саяси ой қосудан шет қалмаған дүйім жұрттың қатысуымен талданып-таразыланған жаңа Конституция жобасын бүкіл халық болып мақұлдайтын уақыт күні белгіленді. Мемлекет басшысы 2026 жылғы 15 наурызда республикалық референдум өткiзу туралы Жарлыққа қол қойды. Созбалаңға соза бермей, Референдумды ертерек өткізу туралы Президент Қ. Тоқаевтың шешімін қолдаймын. 15 наурыз күні Референдум арқылы жаңарып, жаңғыратын жаңа Конституциямыз Қазақстанды жарқын болашаққа бастайды деп сенемін.
Ерсұлтан Әмірбек,
Журналист
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
