Шымкентте азық-түлік бағасын тұрақтандыруға бөлінетін қаржы жыл сайын ұлғаятын болды

ҚР Президенті Қ.Тоқаевтың «Халық бірлігі және жүйелі реформалар – ел өркендеуінің берік негізі» атты Қазақстан халқына Жолдауында еліміздің алдағы әлеуметтік-экономикалық даму бағыттарын айқын көрсетті.

Мемлекет басшысы инфляция деңгейін 6-4 пайыздық дәлізде ұстап тұру жөнінде талап қойды. Баға тұрақтылығын сақтауда көтерме үйлестіру желісін құрып, ұсақ ауыл шаруашылығы тауар өндірушілерді сол желімен қамтамасыз етуді жүктеді.

Шымкентте бұл бағытта баға тұрақтылығына қол жеткізуде әлеуметтік маңызы бар азық-түлік тауарларының 19 позициясы бойынша ірі азық-түлік сауда желілерімен келісім жасалған. Сауда орталықтарына қайтарымды шартпен қаржы беріп, әлеуметтік 19 түрлі азық-түлік тауары шекті бағамен сатылуда.

Шаһар басшысы М.Әйтенов осы мақсатқа бөлінетін қаржыны жыл сайын ұлғайтатын боламыз деді. Орынбасарына ауыл шаруашылығы тауар өндірушілерінің көтерме желілермен делдалсыз жұмыс істеуін үйлестіру жөнінде шаралар қабылдауды, кәсіпкерлік және өңдеу өнеркәсібі салаларындағы жұмыстарды үйлестіруді жүктеді.