ОТАН ҚОРҒАУШЫ АЗАМАТТАРҒА ҚҰРМЕТ КӨРСЕТІЛДІ

Еңбекші ауданы әкімдігі 7 мамыр — Отан қорғаушылар күніне орай мерекелік-концерттік іс-шара өткізді. Іс-шарада шекарашылар, Төтенше жағдайлар, полиция басқармасының қызметкерлері аудан әкімдігі тарапынан марапатқа ие болып, көпшілік назарына концерттік бағдарлама ұсынылды.

Жиынға Еңбекші ауданы әкімінің орынбасары Ерлан Күзембаев, аудан ардагерлері, құқық қорғау органы өкілдері және мектеп оқушылары қатысты.
Ерлан Миятбекұлы отанға адал қызмет етіп жүрген барша азаматтарды, құқық қорғау органы өкілдерін мерекемен құттықтап, одан әрі де абыройлы қызмет ете берулеріне тілектестігін жеткізді. Жиын барысында бірқатар қызметкерлерді аудан әкімінің “Алғыс хатымен” марапаттады. Мерекелік іс-шара одан әрі жергілікті өнерпаздардың концерттік бағдарламасына ұласты.
Сондай-ақ, мектеп оқушылары шекарашылардың дайындығы, арнайы техникаларымен танысты.

Отан қорғау – әр азамат үшін қасиетті борыш. Елдің тыныштығы мен қауіпсіздігін қамтамасыз етіп, халықтың бейбіт өмірін қорғау жолында қызмет етіп жүрген әскери қызметшілерге құрмет көрсету – елдік дәстүрдің бірі.

Елімізде Отан қорғаушылар күніне орай ел қорғаған ер азаматтарға арналған салтанатты шара ұйымдастырылып, әскери қызметшілерге ерекше құрмет көрсетілді. Шара барысында Отан алдындағы адал қызметі, жоғары кәсіби біліктілігі мен әскери міндеттерін жауапкершілікпен атқарып жүрген азаматтарға алғыс айтылды.

Салтанатты жиында әскери қызметшілердің еңбегі атап өтіліп, бірқатар азаматтарға марапаттар мен алғыс хаттар табысталды. Іс-шараға ардагерлер, мемлекеттік мекеме қызметкерлері, жастар және қоғам өкілдері қатысып, ел қорғаушыларға ізгі тілектерін білдірді.

Отан қорғаушы болу – үлкен жауапкершілікті, батылдықты және отансүйгіштікті талап етеді. Әскери қызметшілердің табандылығы мен тәртібі жас ұрпаққа үлгі болып, елге деген сүйіспеншілікті арттыруға ықпал етеді.

Бүгінгі бейбіт өмір мен тұрақтылықты сақтау – баршамызға ортақ міндет. Ал Отан қорғаушылардың ел қауіпсіздігін қамтамасыз ету жолындағы еңбегі әрдайым жоғары бағалауға лайық.