«ОРМАНШЫ» ЕЛДІМЕКЕНІНДЕ ДЕМАЛЫС ОРНЫНЫҢ САЛТАНАТТЫ АШЫЛУ РӘСІМІ ӨТТІ
Шымкент қаласы Қаратау ауданы «Орманшы» елдімекеніндегі бұрынғы құрылыс қалдықтары полигоны аумағы бүгінде демалыс орнына айналды. Құрылыс жұмыстары қыркүйек айында толығымен аяқталды.
Таяуда қала әкімі М.Әйтенов абаттанған нысанды аралап, құрылыстың сапасымен танысқан болатын.
Бүгін елдімекенде демалыс орнының салтанатты ашылу рәсімі өтті. Іс-шараға Қаратау ауданы әкімі орынбасары А.Парманов, Қаратау ауданының ардагерлері және БАҚ өкілдері қатысты.
Тұрғындар тарапынан бұл демалыс орнын «Алатау» деп атау ұсынылды. Елдімекен тұрғындары жылдар бойы қоқыс полигонының иісі мен түтеген түтінінен зардап шеккен кездерін еске алып, бүгінде бұл мәселе оң шешімін тапқанына қуанып отыр.
Демалыс орнының ауданы 4,48 гектарды құрайды. Онда балаларға арналған ойын және спорт алаңшалары орналасқан. Сондай-ақ, жарықтандыру бағаналары, орындықтар, қоқыс урналары және әр түрлі пішінде кіші сәулет мүсіндері орнатылған.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
