СОЛТҮСТІК БАТЫС ШАҒЫНАУДАНЫНДА АСФАЛЬТ ТӨСЕУ ЖҰМЫСТАРЫ ЖҮРГІЗІЛЕДІ
Қала әкімі Абай ауданының тұрғындарымен кездесуде елді мекендерді инфрақұрылыммен қамту жұмыстарының барысы және алдағы жоспарлардан хабардар етті.
Абай ауданындағы Солтүстік батыс шағынауданында қазіргі таңда инфрақұрылыммен қамту жұмыстары аяқталған. Елді мекен ауыз су және электр жарығымен, табиғи газбен толық қамтылған.
Өткен жылы 5 көше асфальттанды. Биыл 2 көшеге (Өріс тұйығы, Талас) асфальт төсеу жұмыстары жүргізіледі. 2023 жылы 3 көшеге (Талас өткелі, Талас тұйығы, Тарақтас) асфальт төселеді.
Шағынауданда 2021 жылы 1 көше жарықтандырылды. Биыл 1 көшені (Өзекті) жарықтандыру жоспарға енгізілген. 2023 жылы 3, 2024 жылы 1 көшеге жарықшамдар орнатылады.
2021 жылы 1 спорт алаңшасы орнатылып, пайдалануға берілген еді. Биыл 1 спорт алаңшасын орнату үшін конкурс жарияланған. Ал сапалы интернетпен қамту жұмыстары жыл соңына дейін аяқталады.
Дереккөз: Шымкент қаласы әкімдігінің баспасөз қызметі
Фото: Береке Сейітжаппар
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
