«2022-2023 ОҚУ ЖЫЛЫНА ТЕХНИКАЛЫҚ ЖӘНЕ КӘСІПТІК БІЛІМ БЕРУ ҰЙЫМДАРЫНА ҚАБЫЛДАУДЫ ҰЙЫМДАСТЫРУ ШАРАЛАРЫ»

Мемлекеттік тапсырыс орналастырылатын тізімге енді 23 колледж енді (сілтемелері: https://egov.kz/, https://college.snation.kz/, https://www.gov.kz/memleket/entities/shymkent-bilim)

Шымкент қаласы бойынша 2022-2023 оқу жылына барлығы 12 137 мемлекеттік тапсырыс бекітілді.

Оның ішінде, 1 052 орын педагогикалық бағытта, 717 орын өнер және мәдениет бағытында, 1143 орын медициналық бағытта, 9252 орын техникалық, технологиялық және қызмет көрсету бағытында.

Білім беру деңгейлері бойынша:

‒             Жұмысшы мамандықтар – 4 582 (38%);

‒             Орта буын мамандықтары – 7 255 (60%);

‒             Қолданбалы бакалавр – 300 (2%);

Білім негізі бойынша:

‒             11 сынып негізінде – 3 158 (26%);

‒             9 сынып негізінде – 8 979 (74%);

Оқыту тілі бойынша:

‒             Мемлекеттік – 8 930 (73,6%);

‒             Орыс тілінде – 3 207 (26,4%).

Жаңа оқу жылында жұмысқа орналастыру міндеттемесімен кәсіпорындардың өтінімдері бойынша кадрларды нысаналы даярлау жаңалығы енгізілуде.

Кәсіпорын мен колледж арасында шарт жасалып, өз базасында студенттердің практикасын ұйымдастыру және түлектерді одан әрі жұмысқа орналастыру бойынша міндеттемелерді алады.

Биыл кәсіпорындардың тапсырысы негізінде шымкент қаласы бойынша   1 434 талапкерді қамту жоспарлануда.

Нысаналы грант бойынша 152 кәсіпорыннан өтінімдер келіп түсті.

Талапкерлерді қабылдау БҒМ 2018 жылғы 18 қазандағы № 578 бұйрығы негізінде жүзеге асырылады.

Білім басқармасына қарасты 37 колледжге құжаттарды қабылдау 25 маусымнан басталды. Оның ішінде, мемлекеттік тапсырыс негізінде 71 мамандық, 192 біліктілік бойынша құжаттар қабылданады.

Құжаттар Egov.kz электронды үкімет порталы (www.egov.kz) және «CollegeSmartNation» ақпараттық жүйесі арқылы (www.college.snation.kz) қабылданады.

Мемлекеттік тапсырыс бойынша конкурс:

—              9-сынып талапкерлері арасындағы конкурс 25 маусым және 18 тамыз аралығында өтеді.

—              11-сынып және колледж түлектері арасында 25 маусым мен 20 тамыз аралығында өтеді.

—              Өнер және мәдениет мамандықтарына түсетіндер үшін байқау 29 шілде мен 2 тамыз аралығында өтеді.

Талапкерлердің құжаттарын қабылдау мерзімдері:

—              Білікті жұмысшы кадрларды даярлауды көздейтін техникалық және кәсіптік білімнің білім беру бағдарламалары бойынша және Рухани (діни) білім беру ұйымдарына 25 маусым мен 25 тамыз аралығында;

Орта буын және қолданбалы бакалавр мамандарын даярлайтын колледждер мемлекеттік тапсырыс негізінде құжаттарды қабылдау 9 сынып базасында 25 маусым мен 18 тамыз, 11 сынып және ТжКББ кейінгі білім базасында 25 маусым мен 20 тамыз аралығында өтеді.

Сонымен қатар, Шығармашылық дайындықты талап ететін мамандықтар бойынша 25 маусым мен 20 шілде, Педагогикалық мамандықтар бойынша 25 маусым мен 15 тамыз аралығында құжаттар қабылданады.

Конкурс процедуралары «CollegeSmartNation» ақпараттық жүйесі арқылы жүргізілетін болады.

Конкурсты өткізу кезінде ақпараттық жүйе автоматтандырылған түрде міндетті және бейінді пәндердің орташа конкурстық балына автоматты түрде бөлу арқылы, педагогикалық, медициналық және шығармашылық дайындықты талап ететін мамандықтарға міндетті және бейінді пәндердің орташа балы бойынша және қабылдау квотасын ескере отырып, колледж өткізген арнайы/шығармашылық емтихандардың нәтижелері бойынша алынған бағалардың орташа балы бойынша есептеу жүргізеді.

Талапкерлерді автоматты түрде бөлуді «CollegeSmartNation» ақпараттық жүйесі арқылы жүзеге асырады.

Қабылдау нәтижелері туралы ақпарат орта буын және қолданбалы бакалавр мамандары және білікті жұмысшы кадрлар бойынша  31 тамызға дейін ақпараттық жүйеде шығатын болады.

Сонымен қатар, қабылдау нәтижесі колледждердегі ақпараттық стенділерге немесе колледждің интернет–ресурстарына орналастыру арқылы жеткізеді.