БӘЙДІБЕК: АУДАН ӘКІМІ ШАҚПАҚТЫҚ ТҰРҒЫНДАРМЕН КЕЗДЕСІП, ӨЗЕКТІ МӘСЕЛЕЛЕРДІ ТАЛҚЫЛАДЫ
Аудан әкімі Ержігіт Шәріпбеков жұмыс сапармен Шақпақ ауылына барып, тұрғындармен кездесті. Кездесуде шақпақтық тұрғындар елді мекенді табиғи газға қосу, ауыз су, спорт кешенін салу, ұялы байланыс мәселелерін көтерді.
Ержігіт Шәріпбекұлы тұрғындардың елді мекенге қатысты көтерген мәселелері назардан тыс қалмайтынын айтып, қойылған сұрақтар бойынша жоспарға сәйкес жұмыстар жасалынып жатқандығын жеткізді. Шақпақ ауылын газдандыру және ауыз су жүйелеріне қайта құру жұмыстарын жүргізуге, спорт кешенінің құрылысына әзірленген жобалау-сметалық құжаттамаларын қаржыландыруға ұсынылғанын айтып өтті. Сонымен қатар келесі жылы балалар ойын алаңшасын салуды да жоспарлап отырғанын айтты.
Ұялы байланыс бойынша тиісті мамандарға зерделеу жұмыстарын жүргізуді тапсырды.
Аудан әкімінің баспасөз қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
