ӨРТ ҚАУІПСІЗДІГІН САҚТАУ БОЙЫНША ТҮСІНДІРМЕ ЖҰМЫСТАРЫ ЖҮРГІЗІЛДІ
Бүгін қала әкімінің тапсырмасына сәйкес қала аумағында орналасқан базар мен сауда орындарына өртке қарсы және террористік тұрғыдан осал объектілерге қойылатын талаптарын түсіндіру жұмыстары жүргізілді.
Аралау барысында өрттің алдын алу мақсатында тұтынушыларға барынша қолайлы жағдай жасау, базар ішінде орналасқан асхана желілерінде электр жабдықтарының қауіпсіздігін қадағалау, қосылған электр қондырғыларын қараусыз қалдырмау бағытында нұсқаулық жұмыстары жүргізілді. Сондай-ақ, базар басшылығына аумақта тазалықты қатаң сақтау тапсырылды.
Аталған шараға Арыс қаласының кәсіпкерлік бөлімі, Төтенше жағдайлар бөлімі, «Атамекен» кәсіпкерлер палатасының Арыс қалалық филиалы және «AMANAT» партиясы Арыс қалалық филиалының өкілдері қатысты.
Барша кәсіп иелерін қарапайым сақтық шараларына жауапкершілікпен қарауға және санитарлық тазалықты сақтауға шақырамыз!
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
