КЕЛЕС АУДАНЫНДА НЕЙРОХИРУРГИЯ САЛАСЫНДА ТЫҢ ОТАЛАР ЖАСАЛАДЫ
Келес аудандық ауруханасына жаңа нейрохирургиялық аппарат алынды. «Электрокраниотом» атты аппаратпен алғаш рет аудандық ауруханда бас мидың ауыр жарақатымен түскен науқасқа күрделі ота сәтті жасалды. Күрделі отаны аурухананың белгілі нейрохирург дәрігері Ғалымжан Берданов өткізді.
«Аталған аппараттың артықшылығы ота уақытын едәуір қысқартып, науқастың ертерек аяққа тұруына жол береді. Мұндай ота бұрын тек облыс деңгейінде жасалатын болған. Науқас ауыр халде кома жағдайында түскен, алдын ала емдік — диагностикалық әрекеттерден кейін отаға алынды. Бас миынан көп көлемде ұйыған қан алынып, ота сәтті өтті» — дейді Келес аудандық ауруханасының нейрохирург дәрігері.
Алдағы уақытта аудан халқының денсаулығын қорғау мақсатында бұдан өзге заманауи құрал саймандармен қамтамасыз ету жалғасады.
Түркістан облысы әкімінің баспасөз қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
