ТҮРКІСТАНДЫҚТАР ЖОҒАРЫ БЕЛСЕНДІЛІК ТАНЫТТЫ

Орталық сайлау комиссиясы сағат 18:05-тегі жағдай бойынша қазақстандықтардың сайлау белсенділігі жөніндегі ақпаратпен бөлісті.

ОСК мүшесі Шавхат Өтемісовтың айтуынша, сағат 18:05-тегі жағдай бойынша Қазақстанда барлығы 8 млн 108 мың 668 адам дауыс беріп үлгерген. Айта кетсек, бұл тізімдегі барлық азаматтардың 67,85 пайызын құрайды.

Өңірлер бөлінісінде дауыс берушілер көрсеткіші:

1. Абай облысы бойынша – 78,88 %
2. Ақмола облысы бойынша – 75,82%
3. Ақтөбе облысы бойынша – 71,23%
4. Алматы облысы бойынша – 70,92%
5. Атырау облысы бойынша – 67,88%
6. Батыс Қазақстан облысы бойынша – 64,77%
7. Жамбыл облысы бойынша – 77,27%
8. Жетісу облысы бойынша – 77,08%
9. Қарағанды облысы бойынша – 77,80%
10. Қостанай облысы бойынша – 77,56%
11. Қызылорда облысы бойынша – 77,20%
12. Маңғыстау облысы бойынша – 64,57%
13. Павлодар облысы бойынша – 77,12%
14. Солтүстік Қазақстан облысы бойынша – 77,46%
15. Түркістан облысы бойынша – 80,25%
16. Ұлытау облысы бойынша – 74,45%
17. Шығыс Қазақстан облысы бойынша – 76,81%
18. Астана қаласы бойынша – 48,01%
19. Алматы қаласы бойынша – 27,93%
20. Шымкент қаласы бойынша – 59,56%

Жоғарыда көрсетілген деректерге қарағанда, Түркістан облысының тұрғындары жоғары белсенділік танытып отыр. Ал Алматы қаласының тұрғындары ең аз дауыс берді.

Сондай-ақ Нью-Йорк пен Вашингтонда сайлау учаскелері жұмысын бастап кетті.

Қазақстанда сайлау учаскелері 07:00-ден ашылып, 20:00-ге дейін жұмыс істейді. Кейбір учаскелер 06:00-де есіктерін айқара ашты.

Айта кетсек, Орталық сайлау комиссиясы сайлаушылардың белсенділігі жөніндегі соңғы ақпаратты Астана уақыты бойынша 20:05-те жариялайды.