М.ӘЙТЕНОВ ШЫМСИТИДЕГІ ҚАЗАНДЫҚТАРДЫҢ ЖАЙ-КҮЙІН ТЕКСЕРДІ
Күннің күрт суытуына байланысты жылу жүйелерінде ақаулықтар туындамау үшін қала әкімі Мұрат Әйтенов шағын аудандарда орналасқан қазандықтардың жай-күйін қатаң тексеруде.
Мұрат Дүйсенбекұлы «Шымсити» шағын ауданына барып, жылу мамандарының жұмысын пысықтап, халыққа қолайлы жағдай жасау үшін қазандықтардың температурасын көтеруді тапсырды.
«Қуатжылуорталық-3» мекемесіне қарасты 1 және «Әлеуметтік кәсіпкерлік коорпорациясына» қарасты 2 модульді жылу қазандығының құрылысымен танысты.
«Қуатжылуорталық-3» мекемесіне қарасты қазандық Шымситидегі 37 көп қабатты тұрғын үйді, заңды тұлғаларға қатысты 1 ғимаратты жылумен қамтамасыз етеді. Қазандықтар «BOSCH UNIMAT UT-L30» маркалы 3 дана құрылғымен жабдықталған.
«Green City» мен «Damdes Otau» тұрғын үй кешендеріне қарасты модульді 2 қазандыққа «ART Boilers» маркалы 5 қондырғы орнатылған. Сол арқылы 9 көп қабатты тұрғын үй жылумен қамтылады.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
