«ӘРБІР ЕЛДІ МЕКЕНДЕ ТАЗА АУЫЗ СУ» ҰЛТТЫҚ ЖОБАСЫ ӘЗІРЛЕНІП ЖАТЫР
«Әрбір елді мекенде таза ауыз су» ұлттық жобасы әзірленіп жатыр. Бұл туралы Премьер-Министр Әлихан Смайылов айтты.
«Алдымызда еліміздің барлық қалалары мен ауылдарын 100 пайыз таза ауыз сумен қамтамасыз ету міндеті тұр. Ол үшін қазір «Әрбір елді мекенде таза ауыз су» арнайы ұлттық жобасы әзірленіп жатыр», — деді Әлихан Смайылов Индустрия және инфрақұрылымдық даму министрлігінің кеңейтілген алқа отырысында.
Осы орайда, Премьер-Министр Индустрия министрлігіне аталған жобаны келісу жұмыстарын жеделдетуді тапсырды.
«Министрлікке ұлттық жобаны мүдделі мемлекеттік органдармен келісуді жеделдетіп, белгіленген мерзімде Үкімет аппаратының қарауына енгізуді тапсырамын», — деді Премьер-Министр.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
