САЙЛАУ — ЕЛ БОЛАШАҒЫН АЙҚЫНДАЙТЫН САЯСИ НАУҚАН
Бүгінгі Қазақстан Республикасы Парламент Мәжілісі мен мәслихаттардың кезектен тыс сайлауы – еліміздің болашақтағы дамуына тың серпін беретін саяси науқан. Шымкент қаласы Абай ауданы Тұлпар шағын ауданында орналасқан № 218 сайлау учаскесіне дауыс беруге келген қоғам қайраткері Шалатай Мырзахметов осылай деді.
—Мен өзім Парламент Мәжілісінде депутаттық қызмет атқарғанмын. Сондықтан бұл орган қызметінің қаншалықты күрделі, жауапты әрі маңызды екенін жақсы түсінемін. Парламент сапалы заңдар шығару арқылы және Үкіметтің қызметін қадағалап, халықтың атынан есеп алып отыру арқылы ел дамуына серпін береді. Сол себепті әрбір азамат бүгінгі сайлауға белсенді түрде қатысып, өз таңдауын жасаған жөн, — деді Ш.Мырзахметов.
Оның айтуынша, Мәжіліс пен мәслихаттардың жаңарған құрамы халықтың әл-ауқатын жақсартатын, азаматтардың құқығын қорғау мен қауіпсіздігін қамтамасыз етуге және әділетті қоғам орнатуға ықпал ететін заңдар қабылдауы тиіс.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
