ӨЗГЕНІҢ КӨЛІГІН РҰҚСАТСЫЗ АЙДАП КЕТІП, ЖОЛ КӨЛІК ОҚИҒАСЫН ЖАСАҒАН ЖАС ЖІГІТ АНЫҚТАЛДЫ
Жетісай аудандық полиция бөліміне шымкенттік тұрғын арызданды. Әйел адамның айтуынша, оның автокөлік жуу бекетінде қалдырып кеткен «Toyota camrу» маркалы автокөлігін белгісіз біреу рұқсатсыз айдап кеткен. Жәбірленушіге келтірілген шығын көлемі 6 миллион теңгені құрады.
Аталған факті ҚР ҚК-нің 200 бабы «Автомобильді немесе өзге де көлік құралын жымқыру мақсатынсыз құқыққа сыйымсыз иеленіп алу» бойынша тіркеуге алынды. Оқиға орнына жылдам жеткен жедел-тергеу тобы автокөлікті айдап кеткен күдіктіні іздеуге кірісті. Тәртіп сақшылары ауыл-аймақты аралап, куәлардан жауап алды. Жедел-іздестіру іс-шараларының нәтижесінде көлікті айдап кеткен жергілікті тұрғын, автокөлік жуушы жігіт екені анықталды.
Белгілі болғандай, аталған жігіт өзіне сеніп тапсырылған автокөлікті рұқсатсыз айдап кетіп, рөлге ие бола алмай өзге көлікке соқтығысып, жол жиегіне түсіп, аударылған.
Қазіргі таңда қылмыстық іс бойынша сотқа дейінгі тергеп-тексеру жүргізілуде.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
