ТҮРКІСТАН ОБЛЫСЫНЫҢ ПОЛИЦЕЙЛЕРІ ДЕСТРУКТИВТІ-ДІНИ АҒЫМ ЖАҚТАУШЫСЫНАН ЕСІРТКІ ТӘРКІЛЕДІ
Түркістан олысы ПД Экстремизмге қарсы іс-қимыл басқармасының қызметкерлері «Қарасора» жедел-профилактикалық іс-шарасы аясында, есірткі өсімдігін өсірген күдіктіні анықтады. Ол бұрын сотталған, деструктивті-діни ағымның жақтаушысы ретінде есепте тұратын Шардара ауданының тұрғыны болып шықты.
Тәртіп сақшыларының жедел-іздестіру іс-шараларын жүргізу нәтижесінде, тұрғынның үйінің ауласынан құрамында есірткі заты бар өсімдікке ұқсас 9 түп тапты. Сондай-ақ жедел қызметкерлер тінту кезінде шыны ыдыс пен полиэтилен пакетке салынған есірткі заттарын тәркіледі.
Бұл фактіні полицейлер ҚР ҚК-нің 296-бабы «Есірткі заттарымен, психотроптық заттармен, олардың аналогтарымен өткізу мақсатынсыз заңсыз жұмыс істеу» және ҚР ҚК-нің 300-бабы «Құрамында есірткі заттары бар өсіруге тыйым салынған өсімдіктерді заңсыз өсіру» бойынша тіркеді. Сараптама қорытындысына сәйкес, тәркіленген есірткі заттары «марихуана» болып шықты. Сотқа дейінгі тергеу амалдары жүргізілуде.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
