ЖЕТІСАЙ АУДАНЫНЫҢ ПОЛИЦЕЙЛЕРІ ЕСІРТКІНІҢ ЗИЯНЫ ТУРАЛЫ 1000 ДАНА ЖАДЫНАМА ТАРАТТЫ
«Есірткісіз болашақ» шарасы аясында Жетісай аудандық полиция бөлімінің қызметкерлері нашақорлықтың таралуының алдын алу, сондай-ақ салауатты өмір салтын насихаттау мақсатында тұрғындарға түсіндіру жұмыстарын жүргізді.
Айта кетсек полицейлер аудан орталығында орналасқан автовокзалдарға, сауда нүктелері мен басқа да адамдар көп шоғырланған орындарға барып, есірткіні қолданудың зияны туралы ақпарат жазылған «Есірткіге жоқ деп айт!» атты 1000 дана жадынама таратты.
Осы тұста, тәртіп сақшылары есірткі мен психотроптық препараттардың заңсыз айналымына байланысты құқық бұзушылықтар жасағаны үшін қатаң жауапкершілік қарастырылғанын ескертеді. Сондай-ақ тұрғындарды салауатты өмір салтын ұстануға шақырады.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
