ҚАМҚОРЛЫҚ ҺӘМ ҚУАНЫШ!
«Мектепке жол» республикалық дәстүрлі науқаны Сауран ауданында ұйымдастырылды. Мемлекеттік білім беру қорынан 578 оқушының ата-аналарының есепшоттарына әр балаға 40 567 тенгеден бөлінді. Сонымен қатар, демеушілер есебінен 112 оқушы мектеп формасы және оқу құралдарымен қамтамасыз етілді. Дәстүрлі науқанға аудан әкімі Ғалымжан Үсенбаев арнайы қатысып, бүлдіршіндерге оқуда озат болып, үлгілі оқушы атануларына тілектес екенін жеткізді.
— Әрбір бала үшін мектепке дайындық бұл ерекше сәт. Өкінішке орай, бәрінің де мектепке қажетті заттар сатып алуға мүмкіндігі бола бермейді. «Мектепке жол» акциясына қатысып, көмек көрсеткен барша демеушілерге үлкен алғысымды білдіремін. Мұндай игі істер жыл бойы жүргізіліп, қайырымдылық көмектер жалғасады деген сенімдемін.
Жаңа оқу жылында Сауран ауданында 4 мектеп пайдалануға беріледі. Оның үшеуі жеке меншік мектеп. Сонымен қатар 5 «жайлы мектептің» құрылысы басталды. Акцияда ️Кәсіпкерлер тұрғындардың қажеттілігін ескере отырып, мектеп формасы, спорттық киім, оқу құралдарын төмен бағада сатылымға шығарды.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
