САУРАНДЫҚТАР САБЫРЛЫ СЕНАТОРЛАРДЫҢ САРАБДАЛ САЯСАТЫНА СЕЛКЕУСІЗ СЕНУДЕ
Сауран ауданының орталығы Шорнақтағы елімізге әйгілі «Алтын сапа» сыйлығының 2022 жылғы «Халыққа арналған үздік тауар» республикалық көрмесінің жеңімпазы «Хабибулла ата» дара кәсіпкерлігінде Қазақстан Республикасы Парламенті Сенатының депутаттары Әли Бектаев пен Мұрат Қадырбек қоғамдық ұйым өкілдерімен, кәсіпкерлермен, ауыл шаруашылығы мамандарымен кездесу өткізді.
Кездесуді Сауран ауданының әкімі Ғалымжан Үсенбаев жүргізіп отырды. Алдымен сөз алған Парламент Сенатының Конституциялық заңнама, сот жүйесі және құқық қорғау органдары комитетінің мүшесі Қадырбек Болатұлы Мұрат сегізінші сессияның бірінші алғашқы жүз күндігінде қабылданған заңдар мен халықаралық шарттарға, депутаттардың сауалына тоқталды. Бұл мәселе Сенаттың арнайы сайтында толыққанды қамтылғандықтан біз оқырмандарымызға кездесуге қатысқан белсенділердің сұрақтары мен өңірге танымал, Қазақстанның «Ауыл» партиясының төрағасы, сенатор Әли Әбдікәрімұлы Бектаевтың жауаптарына тоқталғанды жөн көрдік.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
