ҚАЛА ӘКІМІ САПАСЫЗДЫҚҚА ЖОЛ БЕРГЕН МЕРДІГЕРЛЕР ЖАУАПКЕРШІЛІГІН АРТТЫРУДЫ ТАПСЫРДЫ
Қазығұрт шағын ауданындағы №66 жалпы орта білім беретін мектеп былтыр күрделі жөндеуден өтті. Қала әкімі Ғабит Сыздықбеков бүгін аталған нысанға барып, атқарылған жұмыстарды бақылады. Құрылыс өткен жылдың маусымында басталып, желтоқсан айында аяқталған болатын.
Іргетасы осыдан отыз жыл бұрын қаланған ғимараттың сыйымдылығы – 1 260 орындық. Мұнда қазір 2 мыңнан аса оқушы білім алуда. Екі ауысымды мектепте 65 оқу кабинеті, кітапхана, еңбекке баулуға арналған арнайы кабинеттер, мәжіліс залы, асхана қарастырылған.
Ғимараттың күрделі жөндеуіне көңілі толмаған қала әкімі әрлеу жұмыстары мен қабырғалардың сапасыздығын сынға алды. Құрылыс басқармасының басшысына мердігерлер есебінен кемшіліктерді шұғыл ретке келтіруді тапсырды. Сондай-ақ алдағы уақытта жеке компаниялардың жауапкершілігін арттыру мақсатында қадағалау жұмыстарын күшейту бойынша нақты тапсырмалар жүктеді.
Шымкент қаласы әкімінің баспасөз қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
