КЕНТАУДА КЕН БАЙЫТУ КОМБИНАТЫ ІСКЕ ҚОСЫЛАДЫ
Кентау қаласында түсті полиметал кендерін және металургия өндірісінің өнеркәсіптік қалдықтарын қайта өңдеу бойынша кен байыту комбинаты іске қосылады.
«КазОйлЭнерджи» ЖШС-нің өндірістік алаңындағы жобаның құны 27 млрд. теңге. Жылына 3,5 мың тоннаға дейін өндірістік қалдықтарды өңдейтін кәсіпорын 1500 адамды жұмыспен қамтып, қаланың экологиялық ахуалын жақсартуға үлесін қосады.
Қазіргі таңда мұнда өндірістік алаңды дайындау жұмыстары қарқын алып, қажетті құрал-жабдықтар орналастырылуда. Өндіріс орны биыл тестілік режимде жұмысын бастайды.
Түркістан облысы әкімінің баспасөз қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
