БІРЫҢҒАЙ ҚАБЫЛДАУ: 300-ДЕН АСА АЗАМАТТЫҢ АРЫЗ-ШАҒЫМЫ ҚАРАСТЫРЫЛДЫ
Кезекті бірыңғай қабылдауда қала әкімі Ғабит Сыздықбеков 50 тұрғынды қабылдап, түрлі салаларға қатысты арыз-шағымдары мен ұсыныстарын қарастырды. Орынбасарлары мен басқарма басшыларына, аудан әкімдеріне 300-ге жуық азамат өзекті мәселелері мен қаланы дамытуда игі бастамаларын жеткізді.
Жергілікті тұрғындар қоғамдық көлік, жол, тұрғын үй, жер учаскелерін бөлуде туындаған түрлі мәселелерімен қатар, білім, денсаулық салаларына қатысты сұрақтарына жауап алды.
Мемлекеттік қызметшілер әрбір өтінішті егжей-тегжейлі қарап, кәсіпкерлікті дамыту, әлеуметтік, жұмыспен қамту шаралары бойынша түсіндірмелер жүргізді.
Қала әкімі сала басшыларына тұрғындармен тығыз байланыс орнатып, өзекті мәселелерді заң шеңберінде шешуді тапсырды.
Шымкент қаласы әкімінің баспасөз қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
