«КИЕЛІ МЕКЕН»: БӘЙДІБЕК АТА МЕН ДОМАЛАҚ АНА КЕСЕНЕЛЕРІНДЕ СЕНБІЛІК ӨТТІ
«Киелі мекен» апталығы аясында Бәйдібек ауданындағы кесенелердің аумағында тазалық жұмыстары жүргізіліп, абаттандырылуда. Атап айтқанда, Бәйдібек ата және Домалақ ана кесенесі, Аппақ ишан сәулет-көркем мұражайы мен Ақмешіт үңгіріне сенбілік ұйымдастырылды. Сондай-ақ, кесенелердің аумағына түрлі ағаш көшеттері отырғызылуда. Игі бастаманың басы-қасында жүрген жастар аудандағы ғимараттар мен тұрғын үйлердің келбетін ретке келтіру жұмыстарын да атқаруда.
Жалпы аудандағы сенбіліктерге аймақ тұрғындары белсенді түрде қатысуда. Әрбір ауылдағы көшелер тазаланып, қоқыстар арнайы орындарға техникалармен шығарылып жатыр. Сонымен қатар, ретсіз өскен және қураған талдар бұталып, түптері әктелуде.
Түркістан облысының Өңірлік коммуникациялар қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
