АРЫСТА «МҰҢЛЫҚ-ЗАРЛЫҚ» КЕСЕНЕСІНІҢ АУМАҒЫ ҚОҚЫСТАН ТАЗАРТЫЛДЫ
Арыстық жастар мен ауыл тұрғындары «Киелі мекен» апталығы аясында қаладағы тарихи-мәдени ескерткіштер аумағына тазалық шараларын жүргізуде. Игі шарада «Мұңлық-Зарлық» кесенесінің аймағы мен «Қызыл көпір» ескерткішінің маңы күл-қоқыстан тазартылды. Сондай-ақ, кесенелердің айналасында жер қопсыту жұмыстары жүргізілді.
Айта кетейік, Арыс қаласында мемлекет қорғауына алынған 90 тарихи-мәдени ескерткіш бар. Оның ішінде «Мұңлық-Зарлық» кесенесі — жыр кейіпкерлері Мұңлық пен Зарлықтың жерленген жері болып есептеледі. Одан бөлек, «Қызыл көпір» тарихи ескерткіші — ХІХ ғасырдан бері сақталып келе жатқан көне мұра.
Түркістан облысының Өңірлік коммуникациялар қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
