ІШКІ ІСТЕР ОРГАНДАРЫНЫҢ АРДАГЕРЛЕРІ АРАСЫНДА ФУТБОЛДАН ЖАРЫС ӨТТІ
Ішкі істер органдары ардагерлер кеңесінің ұйымдастыруымен шағын футболдан жарыс өтті. Спорттық шараға қиын да қауіпті ішкі істер саласында қызмет етіп, зейнет демалысына шыққан қасиетті Түркістан өңірінің ардагерлері спорт сайысыныңқатысты.
Жарыстың мақсаты-салауатты өмір салтын насихаттау мен ынтымақтастықты нығайту. Аталмыш жарысқа 5 команда қатысып, тартысты ойын үлгісін көрсетті.
Командалық есеп нәтижесінде І-орынды Шымкент қаласының мамандандырылған күзет басқармасының ардагерлерінен құрылған команда иеленді. ІІ-орынды Ордабасы ауданы, ал ІІІ-орынды Бәйдібек ауданының ардагер полицейлері қанжығалады.
Спорттық шара соңында жеңімпаз атанған команда мен үздік деп танылғандар ардагерлерге арнайы тағайындалған алғыс хаттар мен кубок, медаль және ақшалай сыйлықтармен марапатталды.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
