ПРЕЗИДЕНТ ӨЗ ЖОЛДАУЫНДА ЕЛ ЭКОНОМИКАСЫНА ЕКПІН БЕРДІ

Экономика түзелмей, елдің әлеуеті еңсе тіктемейді. Мұны мемлекет басшысы Қ. Тоқаев биылғы Жолдауында мықтап та, нықтап та айтты.
Президент Қасым-Жомарт Тоқаевтың 2026 жылғы 28 қазанда жариялаған «Жаңа тарихи кезеңдегі Қазақстанның өзекті міндеттері» атты Жолдауында экономика мен инвестиция саласына қатысты бірқатар маңызды шешімдер мен бағыттар ұсынылды:

Экономикалық бағыттар мен көрсеткіштер

• Жалпы ішкі өнім (ЖІӨ): 2026 жылы елдің ЖІӨ көлемі 400 миллиард АҚШ долларына жуықтайды, ал жан басына шаққандағы ЖІӨ 19 мың АҚШ долларынан асады деп күтілуде.
• «Халықтық құрылыс» бағдарламасы: Бүкіл ел бойынша әлеуметтік, көлік және инженерлік объектілерді салуға Ұлттық қордан 2029 жылға дейін 6,5 трлн теңге бағытталады.
• Көлік және логистика: Қазақстанды жай ғана транзиттік аумақ емес, Еуразияның жетекші логистикалық орталығына айналдыру, халықаралық жүк ағындарын ұйымдастырушы деңгейге көтеру.
• Цифрлық экономика және жасанды интеллект: «Digital Qazaqstan» аясында цифрлық экономиканы дамыту, оның ішінде жасанды интеллектіні қолдану және фрилансерлер мен ауылдарға арналған пилоттық жобаларды іске қосу.
• Энергетика: 2029 жылға қарай елде энергопрофицитке қол жеткізу, «Балхаш» және «Мойынкум» АЭС құрылыстарын жүргізу.

Инвестиция және бизнеске қатысты шаралар

• Инвестициялық саясатты орталықтандыру: Инвестиция тартып қана қоймай, қаржыны өңдеу өнеркәсібіне, жоғары технологияларға және қосылған құны жоғары өндірістерге бағыттау ұсынылды. Инвестициялардың тиімділігін тек меморандумдармен емес, іске қосылған нақты өндірістік қуаттармен және олардың экономикаға қосқан үлесімен өлшеу тапсырылды.
• Шағын және орта бизнеске (ШОБ) қолдау: 2027 жылдың басынан бастап микро және шағын бизнесті тексеруге 3 жылдық мораторий енгізу ұсынылды.
  Жолдау елдің әлеуетін арттыруға жаңаша серпін береді деп сенеміз.

Ерсұлтан Әмірбек
Журналист