ТҮРКІСТАНДЫҚ АЙЖАН ЖЫЛҚЫБАЕВА ҚАЗАҚ КҮРЕСІНЕН ӘЛЕМ ЧЕМПИОНЫ АТАНДЫ
Үндістан елінің Дели қаласында қазақ күресінен ересектер арасында әлем чемпионаты өтті. Жаһандық додаға әлемнің түкпір-түкпірінен мықты деген балуандар жиналып, боз кілем төрінде күш сынасып, бас жүлдеге таласты.
Айтулы күрес бәсекесінде Қазақстан ұлттық құрамасы сапында ел намысын қорғаған түркістандық балуан қыз Айжан Жылқыбаева 48 келіде барлық қарсыласының жауырынын жерге тигізіп, әлем чемпионы атанды. Айта кетейік, Айжан Түркістан облысында қазақ күресінен тұңғыш әлем чемпионы атанып, тарихта өз атын алтын әріппен қалдырды. Жеңімпаз жерлесіміздің жаттықтырушысы – Қайрат Пазылбеков.
Айжан Жылқыбаева – Түркістан облыстық олимпиадалық емес және ұлттық спорт түрлері бойынша жоғары спорт шеберлігі мектебінің шәкірті.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
