ҚАЛА ТҰРҒЫНДАРЫНЫҢ ҚАУІПСІЗДІГІ КҮШЕЙДІ

Өткен аптада Шымкентте тергеу органдары 191 қылмыстық іс тіркеді, оның 8-і сотқа жолданды. Ең жиі кездесетін қылмыстар: алаяқтық (61), ұрлық (47), есірткі заңсыз айналымы (12) және жол-көлік оқиғалары (6).

Алаяқтықтың басым бөлігі интернет-алаяқтыққа байланысты: тауарлық жарнамалар арқылы сатып алу, инвестицияға ақша салу, жалған қоңыраулар және несие рәсімдеу. Мысалы, белгісіз адам жергілікті аурухананың қызметкері болып шығып, 1 200 000 теңге қаражатын жымқырған.

Сондай-ақ интернет арқылы есірткі сатылымына қатысты қылмыстар да тіркелуде. Тұрғындарға банк карталарын ешкімге бермеу, белгісіз адамдардан ақшалай сыйақы алмау, күмәнді жағдайларда 102-ге хабарласу ұсынылады.

Жол-көлік оқиғаларының негізгі себептері – жылдамдықты арттыру, ұялы телефонға алаңдау, жаяу жүргіншілердің ережелерді бұзуы, кәмелетке толмағандардың скутер мен самокатты ережесіз басқаруы және алкогольді масаң күйде көлік жүргізу. Ата-аналарға балалардың қауіпсіздігі үшін ережелерді сақтау маңызды.

Көп қабатты үйлерде велосипед, бала арбалары және ұқсас заттардың ұрлануы да артып отыр. Мысалы, 14 қарашада 17 ш/а, 11 үйден белгісіз адам «Стеллс» велосипедін жымқырған. Сондықтан тұрғындарға заттарды қараусыз қалдырмау ұсынылады.

Барлық қала тұрғындарына сақ болуды және заң талаптарын қатаң сақтауды ескертеміз – қауіпсіздік баршамыздың қолымызда!

Қаладағы қауіпсіздіктің маңызды бөлігі – құқық бұзушылықтардың алдын алу. Полиция қызметкерлерінің тәулік бойғы патрульдік жұмысы, бейнебақылау жүйелерінің орнатылуы және қоғамның белсенділігі құқықтық тәртіпті сақтауға ықпал етеді.
Сонымен қатар, тұрғындардың өз қауіпсіздігін қамтамасыз ету мәдениеті – қоғамдық орындарда сақ болу, жеке мүлікті қорғау, күдікті жағдайларды дереу хабарлау – маңызды рөл атқарады.

Қала ішінде көлік қозғалысының қарқындылығы өте жоғары. Сондықтан жаяу жүргіншілердің, жүргізушілердің және велосипедшілердің жол ережесін сақтауы – өмірді сақтайтын басты фактор.
Инфрақұрылымның сапалы болуы (жарықтандыру, белгілеу, бағдаршамдар), қоғамдық көліктің жүйелі жұмысы да апаттардың алдын алуға көмектеседі.

Қауіпсіз қала — бұл тұрғын үйлердің техникалық талаптарға сай болуы. Газ, электр, жылу желілерінің уақтылы тексерілуі, өрт қауіпсіздігі шараларының сақталуы тұрғындардың амандығына тікелей әсер етеді.
Сондай-ақ табиғи газды дұрыс қолдану, лифтілердің жарамдылығы және көпқабатты үйлердегі санитарлық жағдайлар — маңызды қауіпсіздік элементтері.

Қала ауасының сапасы, су ресурстарының тазалығы және жасыл аймақтардың саны тұрғындардың денсаулығына әсер етеді. Экологиялық тәртіпті сақтау — тазалықты сақтау, қоқысты сұрыптау, жасыл желектерді көбейту — әрбір азаматтың борышы.

Қала тұрғындарының қауіпсіздігі – мемлекет, жергілікті органдар және қоғамның бірлескен жұмысы нәтижесінде қамтамасыз етіледі. Әрбір азамат қауіпсіздік мәдениетін сақтауға атсалысқанда ғана бейбіт, тұрақты және қауіпсіз қалалық орта қалыптасады.