«ЕҢ ҮЗДІК REELS» БАЙҚАУЫНА ҚАТЫС!

«Заң мен тәртіп» идеологиясын ілгерілету тұжырымдамасының аясында студенттер арасында насихаттау, құқықтық мәдениетті күшейту және әлеуметтік жауапкершілік деңгейін арттыру мақсатында Шымкент қаласы Полиция департаменті байқау ұйымдастыруда.

Байқау Шымкент қаласының орта арнаулы және жоғары оқу орындары арасында өткізіледі.

Байқаудың өткізу шарттары:

Әрбір орта арнаулы және жоғары оқу орны тақырып аясында әзірлеген видеоларын және ол туралы мәліметтер (оқу орны, байланыс нөмірі) Шымкент қаласы Полиция департаментіне Жеке құраммен жұмыс басқармасына 5 желтоқсанға дейін ұсынады. /Идеологиялық жұмысты ұйымдастыру тобына 8-707-927-11-84 WhatsApp/Telegram/.

Видео форматы – Reels/Shorts.

Видео ұзақтығы – 30 секундтан 90 секундқа дейін.

Видео тақырыптарының негізгі бағыттары:

— Заңға құрмет және құқықтық мәдениет;

— Қоғамдық тәртіптің маңызы;

— Құқық бұзушылықтың алдын алу;

— Адалдық, әділеттілік, азаматтық сана;

— Жастар арасындағы құқықтық сауаттылық;

— Видео авторлық, бұрын жарияланбаған болуы тиіс;

— Контент тәрбиелік, позитивті бағытта болуы және әдеп нормаларын бұзбауы керек.

Барлық қатысушылардың видеолары 5-8 желтоқсан аралығында Шымкент қаласы Полиция департаменті бастығының бұйрығымен бекітілген байқау комиссиясы тарапынан бағалау критерийлеріне сәйкес қаралады. Комиссия келесі аспектілерді ескереді: идеяның түпнұсқалығы, креативтілігі, тақырыпқа сәйкестігі, монтаж сапасы және қоғамға әсері. Комиссия шешімімен 9-15 желтоқсан үздік reels іріктеліп, тек Шымкент қаласы Полиция департаментінің әлеуметтік желісіне жарияланады және #ЗаңМенТәртіп2025 хэштегі қойылады. Қорытынды бағалау ең көп қаралым, лүпіл жинаған және пікір жинағандар арасында анықталады және қайта қарауға жатпайды. Байқау қорытындысы бойынша жеңімпаздар марапатталады.