КЕЗЕКТІ АППАРАТ МӘЖІЛІСІ ӨТТІ.
Бүгін, Қазығұрт ауданы әкімінің м.у.а. Мұхаммедғали Әшірбаевтың төрағалығымен кезекті аппарат мәжілісі өтті. Жиынға аудан әкімінің орынбасарлары, аппарат басшысы, ауыл округтерінің әкімдері мен дербес бөлім басшылары қатысты.
Күн тәртібінде 4 (төрт) маңызды мәселе қаралды:
Күзгі әскерге шақыру жұмыстарының жүргізілу барысы;
2025 жылға арналған рейтингтік бағалау көрсеткіштерінің 12 айдың болжамды орындалуы және кіріс көздері мен берешек қарыздардың орындалуы туралы;
Елді мекендерді табиғи газға қосу мәселесі және өрт қауіпсіздігін алдын алуда тұрғын үйлерді аралау барысы туралы;
Мешіттер мен намазханалардың құжаттандыру жағдайы және басылымдарға жазылу барысы туралы.
Мәжіліс барысында көтерілген әрбір бағыт жан-жақты талқыланып, жауапты бөлімдер тарапынан нақты ұсыныстар мен іс-шаралар жоспары ұсынылды. Сонымен қатар Мұхаммедғали Әшірбаев, бөлім басшылары мен ауыл округі әкімдеріне белгіленген бағыттар бойынша нақты жұмыс жоспарын түзуді және оның уақытылы орындалуын қамтамасыз етуді жүктеді.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
