МАҚТААРАЛДА ОБЛЫСТЫҚ БАЙҚАУ ӨТТІ

Бүгін “Мақтаарал” мәдениет үйінде Түркістан Облыстық Мәдениет Басқармасы және Мақтаарал Ауданы Әкімдігінің ұйымдастыруымен Ұлы ойшыл, философ, ақын Абай Құнанбайұлының 180 жылдық мерейтойына орай облыстық «Өнерге әркімнің-ақ бар таласы» байқауы өтті.

Байқауға облыс көлеміндегі қалалар мен аудандардан 12 талантты үміткер қатысты.

Байқау талаптары:

Байқауға 16-35 жас аралығындағы қатысушылар қатысты.

І-бөлім:

– Үміткерлер Абай Құнанбайұлының адамгершілік, мораль, ғылым мен білімнің маңызы және кемел адам (толық адам) тақырыптарында жазылған бір өлеңін жатқа орындады.

– Сонымен қатар Абайдың 45 қара сөзінен сұрақтар қойылып, үміткерлердің білім деңгейі бағаланды.

ІІ-бөлім:

– Қатысушылар Абай әндерінің бірін ұлттық аспаптың (домбыра, сырнай, қобыз т.б.) сүйемелдеуімен жанды дауыста орындап, өз өнерін көрсетті.

Қазылар алқасы:

– Кеттебеков Бауыржан Қаршығаұлы – Жетісай аудандық білім бөлімінің әдіскері, ақын, сазгер

– Қалдыбаев Сабит Дүйсенбекұлы – «Мақтаарал» газетінің бас редакторы

– Ештаев Қайрат Пернебайұлы – облыстық дәстүрлі ән және терме байқауларының лауреаты

Байқауға Мақтаарал ауданы әкімінің орынбасары Тұрсынқұлов Серік Алтынбекұлы арнайы қатысып, байқауды ашып беріп, барлық үміткерге сәттілік тіледі.

Қазылар алқасының шешімі бойынша жеңімпаздар:

Бас жүлде:

– Жанту Біржан (Мақтаарал ауданы)

І орын:

– Қуанышбек Ақсана (Түркістан қаласы)

ІІ орын:

– Тулемисов Нұрсұлтан (Сауран ауданы)

– Жолдасбек Ақберен (Келес ауданы)

ІІІ орын:

– Слайхан Мерей (Арыс қаласы)

– Мұхатай Қуаныш (Кентау қаласы)

– Аманбек Абылай (Жетісай ауданы)

Арнайы жүлделер:

– Мақтаарал ауданы әкімінің арнайы жүлдесі – Тұрсынов Мейіржан (Мақтаарал ауданы)

– «Кемел адам» арнайы жүлдесі – Ағабек Бақдәулет (Төлеби ауданы)

Барлық қатысушыларға дипломдар және ақшалай сертификаттар табысталды.