ҚАЛА БЮДЖЕТІ ТАЛҚЫЛАНДЫ
Бүгін аудан әкімі Арман Абдуллаевтың төрағалығымен Сарыағаш қаласы аумағынан сайланған аудандық мәслихат депутаттарымен кездесу өтті. Жиынға аудандық мәслихат депутаттары Б.Мырзалиев, Қ. Жүсіпов, Д. Оспанова, Ө. Сыдықов, Ж. Баянов, Сарыағаш қаласының әкімі А. Ешанқұл, ауданның экономика және қаржы бөлімінің басшысы А. Мұратовтар қатысты.
Кездесу барысында «2026 жылға арналған аудандық бюджетті бекіту» мәселесі жан-жақты талқыланды. Сонымен қатар, депутаттар өз сайлау округтері бойынша тұрғындарды алаңдатқан өзекті мәселелерді көтеріп, оларды шешуге қатысты ұсыныстарын жеткізді. Қатысушылардың пікірлері тыңдалып, ұсынылған мәселелер бойынша нақты бағыттар айқындалды.
Жиын қорытындысы бойынша аудан әкімі ұсыныстарды назарға алып, оларды жүзеге асыру үшін қала әкімі мен тиісті бөлім басшыларына нақты тапсырмалар жүктеді.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
