ТҮРКІСТАНДА ҚАЗАҚСТАН ХАЛҚЫ АССАМБЛЕЯСЫ КЕҢЕСІНІҢ ОТЫРЫСЫ ӨТТІ
Түркістан қаласындағы «Достық үйі» ғимаратында Түркістан облыстық Қазақстан халқы Ассамблеясы кеңесінің ауқымды отырысы өтті. Алқалы басқосуға облыс әкімінің орынбасары Ертай Алтаев, Ассамблея мүшелері, этномәдени бірлестіктердің басшылары мен қоғам белсенділері қатысты.Жиын барысында Мемлекет басшысы Қасым-Жомарт Тоқаевтың 2025 жылы қабылдаған екі стратегиялық маңызы зор құжаты кеңінен талқыланды. Нақтырақ айтқанда, Қазақстан Республикасы ішкі саясатының негізгі қағидаттары, құндылықтары мен бағыттары, Қазақстан халқы Ассамблеясының «Бірлігіміз – әралуандықта» 2030 жылға дейінгі даму тұжырымдамасы жан-жақты дәріптелді. Жиынды облыс әкімінің орынбасары Ертай Алтаев жүргізді.
Келелі кеңесте облыстық ҚХА жанындағы өзбек этномәдени бірлестігі төрғасының орынбасары Райымжан Алибаев, Түркістан облыстық ҚХА жанындағы Ғылыми-сарапшылық топтың жетекшісі Сейдулла Садықов, ҚХА жанындағы Ақсақалдар кеңесінің төрағасы Созақбай Әбдіқұлов баяндама жасап, ҚР ішкі саясатының негізгі қағидаттары туралы, ҚХА-ның 2030 жылға дейінгі даму тұжырымдамасы жөнінде және ҚР Президентінің «Түркістан» газетіне берген сұхбатының негізгі басымдықтары туралы ой-пікірлерін білдірді.Кеңес барысында этномәдени бірлестіктер мен Ассамблея құрылымдарының алдағы жұмысына қатысты нақты ұсыныстар айтылды. Олардың қатарында этносаралық қатынастарды тұрақты мониторингтеу, «Заң мен тәртіп», «Адал азамат», «Салауатты сана» қағидаттарын кеңінен насихаттау, жастар мен еріктілерді Ассамблея жобаларына тарту, ақпараттық-түсіндіру жұмыстарында жасанды интеллект технологияларын қолдану және әлеуметтік желілердегі арандатушылық контенттің алдын алу мәселелері бар.Қоғамдық келісімді нығайту, азаматтық бірегейлікті қалыптастыру және «Әділетті Қазақстан» қағидатын күнделікті тәжірибеде жүзеге асыру мақсатында өткен жиынды қорытындылаған облыс әкімінің орынбасары Ертай Кенжебекұлы Мемлекет басшысының тапсырмалары Түркістан облысында сапалы әрі жүйелі түрде орындалуы қажеттігін айтты. Жауапты тұлғаларға тиісті тапсырмалар беріліп, бұл бағыттағы жұмыстар бақылауға алынды.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
