Биыл Қарабастау тұрғын алабында электр жарығы мәселесі шешіледі
Шымкент қаласының Еңбекші ауданына қарасты Қарабастау тұрғын алабы 2021 жылдың соңына дейін сапалы электр қуатымен қамтылатын болады.
Мердігер мекеме «Ынтымақ Бес Арыс» ЖШС тұрғын алапта 2020 жылдың қараша айында құрылыс жұмыстарын бастаған болатын. Бүгінде 200 электр бағаны орнатылды. Яғни, құрылыс жұмыстарының 40 пайызға жуығы аяқталды.
Құрылыс жұмыстарын 2021 жылдың қазан айында аяқтап, пайдалануға беру жоспарланып отыр.
Содан кейін «ОңтүстікЖарықТранзит» ЖШС-мен әр үйге жеке есеп шот ашып, электр қуатына қосу жұмыстары жүргізілетін болады.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
