Медициналық туризм саласы дамып келеді
Шымкент қаласының денсаулық сақтау басқармасы мен Medical Nomad Association Орталық Азиядағы денсаулық пен мәдениетті дамыту жөніндегі Швейцария қауымдастығының өкілдері арасында келісім жасалды.
Келісім аясында қаладағы мемлекеттік медициналық ұйымдардағы дәрігерлер Еуропа елдерінде білімін жетілдіреді және медициналық туризмді дамыту бойынша жұмыс жүргізілетін болады. Денсаулық сақтау басқармасының басшысы Бақытжан Позиловтың айтуынша, қалада әр түрлі мамандық бойынша 4169 дәрігер бар, олардың бірқатары бүгінге дейін шет мемлекетте біліктілігін арттырған екен. Жоғарыда жасалған келісім негізінде биылғы жылы 21 дәрігер шет елге оқуға жіберілетін болады дейді.
Дәрігерлер нейрохиругия, жалпы хиургия, офтальмалогия, отолорингология саласы бойынша біліктілігін арттырады. Еуропа елдеріне баратын мамандарға қойылатын талап ағылшын тілінде еркін сөйлеуі қажет дейді басқарма мамандары. Сондай-ақ аталған компания өз қаражатынан туризмді дамыту үшін дәрігерлерді Швейцарияда оқытуды жоспарлап отыр. Қаламызда медициналық туризмді дамыту бойынша алдағы уақытта ауқымды жұмыстар өз жалғасын таба бермек.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
