Жылыту маусымына дайындық жұмыстары жалғасуда
Шымкент қаласы Әл-Фараби ауданы аумағында жылыту маусымына дайындық шаралары жалғасуда. Осы орайда аудан әкімі Рашид Мыңбаев Байтұрсынов, Әбдіразақов,Төле би, Иляев, Жангелдин көшелерінде орналасқан көпқабатты тұрғын үйлерге барып, тұрғындармен тілдесті. Кездесу барысында күн суытып, тұрғындардың төтенше жағдайларға тап болмауы үшін ақпараттық түсіндірме жұмыстары жүргізілді.
Сондай-ақ, тұрғын үйлерде жылыту маусымына дайындық жұмыстарын оңтайландыру мақсатында сервистік қызмет көрсететін мекемелермен келісім- шарт жасалды. Аталған құжатқа сәйкес мекеме тұрғын үйлердің жылыту жүйесін қысыммен тексеру және жуу, вентильді жөндеу, тығыздамалардың төсемдерін ауыстыру, жылыту жүйесін жоспарлы профилактикалық тексеру жұмыстарын ұдайы жүргізіп отырады.
Айта кетейік, Әл-Фараби ауданында 615 жылу қабылдайтын көпқабатты тұрғын үй тіркелген. Оның 298-і жылыту маусымына дайын.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
