ӨЗ ІСІНІҢ ШЕБЕРІ
Есімхан Келдебек Қажымұқан ауыл округіне қарасты Амангелді елді мекенінің тумасы. Әкесі Өмірзақ Қажымұқан кеңшарында талай жыл механизатор болып жұмыс істеп, зейнеткерлікке шыққан. Келдебек жастай әкесінің қасында жүріп, техникаға бейім болып өсті.
Мектеп бітірген соң әке жолын қуып темір тұлпардың жүргізушісі куәлігін алып, 25 жылдан бері елге қызмет жасауда. Қазіргі кезде “Темірлан” абаттандыру мекемесінде LW300FN жүк тиегіш жүргізушісі болып жұмыс істейді.
– Мен бұл техниканы меңгергеніме өкінбеймін. Өзіме ұнайды. Осы жұмысым арқылы отбасымды асырап жүрмін. Ауданға қарасты мекемелерде, жолдарда қандай да бір жұмыстар болса барып істейміз, – дейді, Келдебек Өмірзақұлы.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
