ШЫМКЕНТТЕ 5 ЖЫЛДА ЖАСЫЛ ЖЕЛЕК САНЫ 2 ЕСЕГЕ АРТАДЫ
Шымкент қаласында 2020 жылға дейін 6 млн жасыл желек бар болатын. Биыл 9 айда тағы 300 мың ағаш көшеттері отырғызылды. 2021-2025 жылдар аралығында 6,5 млн. жасыл желек егу жоспарлануда. Нәтижесінде 2025 жылға қала аумағында 12,5 млн. жасыл желек болады.
Бүгінде қалада 9 саябақ, 39 гүлзар бар. Мегаполисті абаттандыру жəне қоршаған ортаның экологиялық жағдайын жақсарту мақсатында «Алатау» саябағының құрылысы жүргізіліп, пайдалануға берілді.
Қала әкімінің тапсырмасына сәйкес, Шымкент қаласының көгалдандыру жоспары əзірлену үстінде.
Жоспарға сәйкес, қала бойынша атмосфералық ауаның жай-күйі жөнінде халықты хабардар ету үшін ауаның ластануын қадағалайтын 10 датчик орнатылады. Ол ақпараттар қаладағы LED экран арқылы жарияланып тұратын болады.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
